Մեր Մասին

Մեր պատմությունը 


 «Տեսիլ» ՓԲԸ-ն զարգացող ընկերություն է՝ հիմնադրված 2020 թվականին, որը զբաղվում է էկոլոգիապես մաքուր, դիետիկ սննդամթերքի արտադրությամբ՝ առանձնանալով իր բարձր որակով, յուրահատուկ արտադրանքով և դիզայնով։2019թ․ ընտանիքով ՌԴ-ից վերադարձել ենք հայրենիք, գնել ենք ուղղակի դաշտ առանց ոչնչի  և հիմնել ՏեՍիլ ընկերությունը՝ սկսելով նոր Կյանք Նոր Կյանք գյուղում։ Սկսել ենք 20 հատ լորից , որոնք մնացել էին ինկուբացիայից  երկար ձախողումներից հետո, այժմ ունենք 40 000 –ից ավել լոր։ 

Մենք երաշխավորում ենք բարձր որակ և թարմություն                                                             
Մենք վաճառում ենք բացառապես մեր լորի ֆերմայի արտադրանքը։ Մենք կարողանում ենք վերահսկել ամբողջ արտադրական գործընթացը՝ ապահովելով բարձր որակ և օրվա թարմություն: Ունենք սեփական կերի գործարան մեր թռչունների համար :

Արտադրած կերը լիովին բնական է, այն արտադրվում է հիմնականում ցորենից, եգիպտացորենից, սոյայի և արևածաղկի քուսպից, կանաչ խոտից, արևածաղկի ձեթից, աղից և վիտամին-հանքային համալիրից: Կախված լորի տեսակից և տարիքից՝ նշված բաղադրիչների հարաբերակցությունը տարբեր է։

Ունենք մեր սեփական սպանդանոցը                                                               
Հետևում ենք HACCP ստանդարտին արտադրության մեջ և ֆերմայում: Համապատասխանում ենք Հայաստանի Հանրապետության սննդամթերքի անվտանգության տեսչության պահանջներին։ Մեր բոլոր աշխատակիցները պարբերաբար բժշկական հետազոտություններ են անցնում՝ վիրուսների և բակտերիաների ներթափանցման վտանգը բացառելու նպատակով։